Braća Markes dominirali prvog dana testiranja u Buriramu

2026-02-21 - 16:36

Prvi dan završnih predsezonskih testiranja Moto GP šampionata na stazi „Čang“ u Buriramu protekao je u znaku braće Markes, pošto je najbrže vrijeme postavio Aleks Markes, dok je odmah iza njega završio Mark Markes. Vozač Gresinija ostvario je najbolji krug u vremenu 1:29.262 minuta, čime je bio brži za 129 hiljaditinki od starijeg brata i aktuelnog šampiona. Najbliži njima bio je Franko Morbideli iz VR46 tima, koji je kasnio šest stotinki za vozačem Dukatija, dok je Marko Beceki na Apriliji imao još 11 stotinki slabije vrijeme. Dan je obilježio i težak pad Marka Markesa, koji je izgubio kontrolu nad prednjim dijelom motocikla u 12. krivini na samom početku jutarnjeg dijela testiranja. Ipak, devetostruki svjetski šampion prošao je bez povreda.