Šmajhel o Tudorovoj odluci da zamijeni Kinskog: Uništio mu je karijeru

2026-03-11 - 10:38

Ekipa Dijega Simeonea povela je 3:0 već poslije 15 minuta, golovima Markosa Ljorentea, Antoana Grizmana i Hulijana Alvareza. Samo dvije minute nakon trećeg gola, trener Igor Tudor odlučio je da zamijeni Kinskog, koji je teren napustio u suzama. Umjesto njega u igru je ušao Guljelmo Vikario, prvi golman Totenhema. Ovu odluku komentarisao je legendarni danski golman Peter Šmajhel, koji je u analizi za CBS Sports oštro kritikovao Tudorov potez. "Kada se ubuduće bude spominjalo njegovo ime, cijeli fudbalski svijet sjećaće se ovog trenutka. Trebalo je da stanu uz njega bar do poluvremena. Tudor mu je praktično uništio karijeru. Zaista mi ga je žao", rekao je Šmajhel.