Osmajić pogodio nakon suspenzije i donio bod Prestonu

2026-02-14 - 17:39

Preston je poveo u 19. minutu lijepim udarcem Luisa Dobina, ali je Votford preokrenuo u drugom poluvremenu. Otmane Mama je izjednačio u 55. minutu, a dva minuta kasnije nespretan autogol Odela Ofija doveo je goste u vođstvo. Osmajić je potom pogodio gotovo identično kao Mama, ušao unutra i snažnim udarcem savladao golmana Selvika, čime je donio bod svom timu. Votford je i prijetio do kraja meča - Edo Kajembe i Nampalis Mendi su imali izgledne šanse, dok je Džordan Storej u nadoknadi promašio posljednju priliku za domaćina. Bod je nagrada za Preston, a Osmajić je potvrdio da se nakon tri meča suspenzije vratio u formu i ključan je za tim u borbi za plej-of.