Simonović i Olmen u četvrtinalu Evrokupa

2026-03-11 - 21:37

Košarkaši Turk Telekoma plasirali su se u četvrtfinale Evrokupa nakon ubjedljive pobjede nad Manresom rezultatom 98:81 u Ankari. Tim Erdema Džana odigrao je gotovo savršeno prvo poluvrijeme i već tada postavio temelje trijumfa. Najefikasniji u pobjedničkom timu bili su Kris Bankston i Majkl Devo sa po 16 poena, dok je Džajlin Smit dodao 15. Kajl Olmen brojao je do 13, dok je kapiten naše reprezentacije postigao devet poena uz četiri skoka. Tim iz Ankare tako je treći put u posljednje četiri sezone stigao do četvrtfinala Evrokupa, gdje ga naredne sedmice čeka duel odluke protiv Hapoela iz Jerusalima. U sezoni 2022/23 Turk Telekom je igrao i finale ovog takmičenja, u kojem je poražen od Gran Kanarije.