Siti slavio protiv Njukasla i prišao Arsenalu - O’Rajli dvostruki strijelac

2026-02-21 - 22:06

Siti je poveo već u 14. minutu, poslije brze tranzicije i preciznog udarca O’Rajlija, dok je Njukasl izjednačio u 22. minutu golom Luisa Hola, uz nespretan dodir Rubena Dijaša. Samo pet minuta kasnije, O’Rajli je glavom donio konačnih 2:1 poslije akcije koju je pokrenuo Semenjo i uposlio Halanda. Do kraja prvog dijela Siti je kontrolisao igru, dok je u nastavku ritam opao, a Njukasl je imao nekoliko pokušaja da dođe do izjednačenja. Trijumfu Sitija prethodio je kiks lidera Arsenala, što sada stavlja “građane” u poziciju da dodatno pritisnu rivala u borbi za titulu.