Tužan oproštaj snježne kraljice: Težak pad Lindzi Von za kraj sna

2026-02-08 - 11:28

Von je na Igre došla sa “potpuno puknutim” prednjim ukrštenim ligamentom, ali je uprkos tome nastojala da ostvari olimpijski san. Izgubila je kontrolu na prvoj traversi nakon što je previše oštro skratila liniju i okrenula se, zbog čega je trka privremeno prekinuta.Sva pažnja bila je usmjerena na 41-godišnju Amerikanku, koja je bila jedna od najemotivnijih priča pred početak Igara. Prošle sezone vratila se vrhunskom skijanju nakon gotovo šest godina pauze, a nastupila je i poslije djelimične zamjene koljena titanijumskim implantom na desnoj nozi. Operacija u aprilu 2024. dala joj je snagu da ponovo pokuša olimpijski nastup. Lindzi Von u karijeri ima tri olimpijske medalje - zlato u spustu u Vankuveru i bronzu u superveleslalomu, kao i bronzu iz Pjongčanga 2018. godine.