Ukrajina zbog ruskog napredovanja počela da evakuiše djecu iz Slavjanska u Donbasu

2026-03-20 - 21:53

„Potpisao sam naredbu o obaveznoj evakuaciji djece iz određenih dijelova Slavjanska koji su najranjiviji na neprijateljske udare“, napisao je na Telegramu guverner Donjecke oblasti Vadim Filaškin, prenosi agencija Rojters (Reuters). Ruska vojska polako napreduje ka sjeveru i istoku Slavjanska i nalazi se oko 20 kilometara od oboda grada, na raznim tačkama linije fronta. Slavjansk je jedan od nekoliko gradova i mjesta koji su ostali pod ukrajinskom kontrolom u urbanom „pojasu tvrđava“ u Donjeckom dijelu Donbasa. Ukrajina i dalje kontroliše nešto manje od četvrtine Donjecke oblasti i tvrdi da „pojas tvrđava“ može pomoći u odbrani te oblasti.