Vinisijus nakon incidenta: Rasisti skrivaju usta jer pokazuju koliko su slabi i imaju zaštitu drugih

2026-02-18 - 09:26

Poslije gola za Real Madrid na stadionu “La Luž” i burne proslave, Vinisijus Žunior našao se na udaru uvreda sa tribina, ali i u verbalnom sukobu sa igračem Benfike Đanlukom Prestijanijem. Situacija je kulminirala kada su se, prema njegovim tvrdnjama, pojavila dobacivanja na rasnoj osnovi, zbog čega je odbio da nastavi utakmicu, pa je sudija morao privremeno da prekine meč. “Rasisti su, prije svega, kukavice. Moraju skrivati usta kako bi pokazali koliko su slabi. A pritom imaju zaštitu drugih koji bi ih, barem u teoriji, trebali kažnjavati. Ništa što se dogodilo nije novo u mom životu ni u životu moje ekipe. Dobio sam žuti karton zbog slavlja gola. Još uvijek ne razumijem zašto. Sa druge strane, aktivirani protokol bio je loše sproveden i nije služio ničemu. Ne volim biti u središtu ovakvih situacija, pogotovo nakon velike pobjede, kada bi naslovnice trebale biti o Real Madridu. Ali, o ovome je potrebno govoriti”, napisao je Vinisijus na društvenim mrežama.